எது வரை சொந்தம்

 

வீட்டுக்கு விலாசம் சொந்தம்

வீதிப் பெயர் மாறும் வரை

குயிலுக்கு கூடு சொந்தம்

குஞ்சுநிலை மாறும் வரை

உடலுக்கு உடைகள் சொந்தம் 

உடுக்கப்படும் வேளை வரை

வெயிலுக்கு வெய்யோன் சொந்தம்

விடியல் முதல் இரவு வரை

ஏழைக்கு வறுமை சொந்தம் 

இல்லாமை நீங்கும் வரை

கோழைக்குத் தோல்வி சொந்தம் 

குட்டக் குட்ட குனியும் வரை

வாழைக்கு கன்று சொந்தம் 

வளர்ந்து குலை தள்ளுனம் வரை

கண்ணுக்கு காட்சி சொந்தம் 

காணுகின்ற கணம் வரை

செவிக்கு குரல் சொந்தம்

சிந்தையில் பதியும் வரை

உனக்கு நான் சொந்தம்

உள்ளத்தில் இருக்கும் வரை

எனக்கு நீ சொந்தம்

இறந்து நான் போகும் வரை

பஸ்மினா அன்ஸார்