தந்தை

 

விருட்சத்தின் ஆதாரம் வேர்

குடும்ப விருட்சத்திலே  

தந்தை  என்று அதற்குப் பேர்

மண்ணுக்குள்ளிருந்து

மரத்தினது பெரும் சுமையை

தன்னந் தனியாகத்

தாங்குவது அதன் வேர்தான்

பென்னம் பெரு மரத்தையும்

பிடித்து  நிறுத்துவது

வேரன்றி வேறன்று

பகலிரவாய்  மரத்தின்

பாரத்தைத் தாங்குவது வேர்

நிழல் பரப்பி என்ற

நாமத்தைத் வாங்குவது இலை

உள்ளே இருந்து 

உருகுவது வேர்

வெளியே தோன்றி

விலாசம் பெறுவது இலை

பாவம் வேருக்கு

பாராட்டுக் கிடையாது 

இலைக்குத் தான் பாராட்டு

எதிர்க் கருத்து இருக்காது

வேரின் பயனை நாம்

விவரித்துக் கூறினாலும்

இலைக்குரிய மரியாதை

வேருக்குக் கொடுப்பதில்லை

வேரும் இலையும்

விருட்சத்தின் அரை எனினும்

வேரே இலையைவிட

வினைத் திறனில் சிறந்ததாகும்

வேரின்றி ஒருபோதும்

விருட்சம் கிடையாது

ஆதலினால் நாமும் 

அகம் கொள்வோம் வேரையும்தான்.

பஸ்மினா அன்ஸார்